Горæтгæрон районы поликлиникæ — цалцæджы фæстæ

0
210

Программæ “Цæгат Кавказы федералон зылды социалон-экономикон райрæзт”-ы хъæппæрисæй Октябрыхъæуы бацалцæг кодтой поликлиникæ.

— Бирæ æнхъæлмæ кастыстæм, цæмæй поликлиникæ байгом уа æмæ йæ куыст æххæст кæна. Дæс æмæ ссæдз азы ацы бæстыхай нæ уыд бындуронæй цалцæггонд, æмæ 2020 азы РЦИ-Аланийы Æнæниздзинад хъахъхъæнынады министрады уынаффæйæ æхгæд æрцыд. Ныр та, цалцæджы фæстæ, нырыккон домæнтæм гæсгæ у алцæмæй æххæст. Ис нæм ногдæр техникæ, нæхи стоматологи, хистæр æмæ кæстæр фæлтæрæн æххуысы хайæдтæ æрцыдысты дихгонд. Уыимæ, дæсны дохтырты нымæц дæр фæфылдæр. Уый фæрцы районы цæрджытæн уыдзæн хуыздæр æмæ фылдæр медицинон æххуыс, — загъта поликлиникæйы сæйраг дохтыр Наниты Аскер.
Поликлиникæ цалцæг- гонд кæй æрцыд, уый фæрцы технологон, санитарон-эпидемиологон домæнтæн дзуапп дæтты. Бæстыхæйттæ кæй фæуæрæхдæр кодтой, уый фадат радта фылдæр æмæ хуыздæр медицинон лæггæдтæ кæнынæн. Поликлиникæмæ бон æрбацæуы 600 адæймаджы. Кусы дзы 115 дохтыры, 145 кæстæр медицинон æмæ 33 æндæр кусæджы.
— Сæйрагдæр у адæмæн хуыздæр медицинон æххуыс кæнын. Поликлиникæ арæзт у нырыккон домæнтæм гæсгæ, алцæмæй дæр у æххæст. Дарддæр дæр рынчынтæн зæрдиагæй куыд лæггад кæна, ахæм амонд æй уæд, — загъта РЦИ-Аланийы Хицауады Сæрдар Дзанайты Барис.
Уазджыты æхсæн уыдысты РЦИ-Аланийы æнæниздзинад хъахъхъæнынады министр Тебиаты Сослан, арæзтат æмæ архитектурæйы министр Моргуаты Константин, Горæтгæрон районы администрацийы сæргълæууæг Есиаты Руслан.

Гобозты Агуындæ
Къамтæ систа Хъайырты Дианæ

ОСТАВЬТЕ ОТВЕТ

Please enter your comment!
Please enter your name here