Республикæ Цæгат Ирыстон-Аланийы Промышленносты райрæзты регионалон фонды фыццаг грант саккаг кодтой Дзæуджыхъæуы технологон центр «Баспик»-æн.
Ахæм сæрмагонд финансон гранты фæрцы амынд куыстуат бафиддзæн, банкæй цы æфстæуттæ райста, уыдоны процентты иу хай.
Уымæй уæлдай, гранты фæрæзты æххуысæй куыстуат фæхъомысджындæр кæндзæн йæ финансон уавæр.
Дзæуджыхъæуы технологон центр «Баспик» рагæй æмæ дæрдтыл зындгонд у, нырыккон оптикон техникон фæрæзты цы электронон пластинæтæй пайда кæнынц, уыдоны рауагъдæй.
Цæгат Ирыстоны Промышленносты райрæзты фонды директор Цъæхилты Виктория куыд радзырдта, афтæмæй азы кæронмæ æркæсдзысты ноджыдæр ма æндæр 3 цæгатирыстойнаг куыстуатæн ахæм грант радтыны фарстамæ дæр. «Нæ фонды финансон æххуысы фæрцы промышленнон куыстуæттæн фадат уыдзæн банчы кредитты процентты иу хай сæхгæнынæн, стæй сæ инвестицион проекттæ царды уадзынæн», — бафиппайдта директор.
Республикæйы Промышленност æмæ инвестициты министрады бæрæггæнæнтæм гæсгæ, амынд фондæн ацы аз уæлæмхасæн дихгонд æрцыд 260 милуан сомæй фылдæр.
Аннæ Катольянц, РЦИ-Аланийы Промышленност æмæ инвестициты министрады
пресс-службæ
