Æдзард хъæбатырты хæрзиуджытæ…

0
36

Уæрæсейы Президент Владимир Путины Указæй, æфсæддон хæс æххæст кæнгæйæ, лæгдзинад æмæ удуæлдайдзинад чи равдыста, Национ гвардийы службæгæнджыты (сæ мæлæты фæстæ) къордæн саккаг кодтой Хъæбатырдзинады ордентæ.

Сæрмагонд æфсæддон операцийы архайгæйæ чи фæмард, уыцы хъæбатыр службæгæнджыты хæрзиуджытæ ныр æнустæм сты æфснайд сæ бинонтæм. Уыдонимæ фембæлдысты РЦИ-Аланийы Сæргълæууæг Сергей Меняйло æмæ Национ гвардийы æфсæдты Цæгат Кавказы зылды командæгæнæг Сергей Захаров.
Хъæбатырты бинонтæн тæфæрфæс ракæнгæйæ, Цæгат Ирыстоны Сæргълæууæг куыд загъта, афтæмæй не ‘мзæххонтæ, Фыдыбæстæмæ иузæрдиондзинад æмæ æфсæддон ардбахæрдыл æнувыддзинад æвдисгæйæ, кæронмæ сæххæст кодтой сæ хæстон хæс.
«Бузныг уын зæгъын, Фыдыбæстæйы æцæг патриотты кæй схъомыл кодтат, уый тыххæй. Сымах хъуамæ сæрбæрзонд уат уæ фырттæй — уыдон сæ цард æнæвгъауæй радтой Уæрæсейы æдасдзинад æмæ фæрныгдæр фидæны сæраппонд. Нæ хъæбатыр хæстонты нæмттæ æнустæм цæрдзысты нæ зæрдæты», — фæнысан кодта Сергей Меняйло.
Нæ уацхæссæг

ОСТАВЬТЕ ОТВЕТ

Please enter your comment!
Please enter your name here