2023 аз Цæгат Ирыстоны нымад у ирон «Нартиадæ»-йы азыл. Уый тыххæй Указ бафыста РЦИ-Аланийы Сæргълæууæг Сергей Меняйло. Хъуамæ республикæйы адæмон аивад æмæ этонкультурон бирæхуызондзинад хъахъхъæд цæуа.
«Ирон адæмæн сæ рагон истори тынг хъæздыг у, йæ фольклор рæсугъд æмæ арф. Ацы аз «Нартиадæ»-йæн снывонд кæнын хуымæтæг фæндон нæу, хъуамæ бахъахъхъæнæм нæ историон-культурон бынтæ, национ хæдхуыздзинад. Нарты кадджыты тыххæй фылдæр дзурын хъæуы, парахат æй кæнын. Ныртæккæ аразæм мадзæлтты пълан, бæрзонд æмвæзадыл конд кæй æрцæудзысты, уый мæ уырны», — загъта республикæйы Сæргълæууæг.
Регионы разамонæджы Указæй конд æрцыд организацион комитет, уыдон «Нартиадæ»-йы æппæт нысантæ æххæст кæндзысты. Комитеты уæнгтæ тагъд сараздзысты сæйраг мадзæлтты пълан, хуызæнæн сæ царды уадзынæн фадæттæ скæндзысты. Районты, Дзæуджыхъæуы разамынд хъуамæ «Нартиадæ»-йы ахъаззагæй бацархайой.
Организацион комитеты уæнгтæ сты Хицауады Сæрдары хæдивæг Тугъанаты Ларисæ, министрадты, ведомствæты æмæ æхсæнадон организациты минæвæрттæ.
РЦИ-Аланийы
Сæргълæууæджы æмæ Хицауады
пресс-службæ
Къам систа
Сланты Аслан
