Цæгат Ирыстоны Сæргълæууæг Сергей Меняйло республикæйы Хицауады уæнгтæн цы æмбырд скодта, уым бæстон ныхас рауад Дзæуджыхъæу æмæ районты цы ахсджиаг социалон объекттæ арæзт æмæ цалцæггонд цæуы, уыдоны уавæрыл.
Зындгонд куыд у, афтæмæй сæрмагонд федералон программæтæ æмæ фыццаградон национ проектты фæлгæты республикæйы арæзт æмæ цалцæггонд цæуынц æнæниздзинад хъахъхъæнынады, ахуырады, цæрæнуатон-коммуналон хæдзарад æмæ иннæ къабæзты ахсджиаг инфраструктурон объекттæ.
Æмбырд гом кæнгæйæ, Сергей Меняйло Хицауады уæнгты зæрдыл æрлæууын кодта, амынд социалон объектты цалцæг æмæ рацарæзт республикæйы разамынды сæйрагдæр нысантæй иу кæй у, уый.
— Уыцы проекттæ царды рауадзыныл зынгæ архайд цæуы. Уыимæ, нырма ис, æвæстиатæй аиуварс кæнын кæй хъæуы, ахæм лыггæнинаг фарстатæ дæр. Зæгъæм, профилон ведомствæты уæлдай цæстдард домынц иуæй-иу объекттæ. Уыдонæн сæ цалцæг æмæ арæзтады графиктæ фæнывылдæр кæнинаг сты, цæмæй алыхуызон къуыхцытæй хызт уæм, — бафиппайдта Сергей Меняйло.
Профилон министрадты минæвæрттæ радзырдтой амынд объекттыл ныртæккæ куыст куыд цæуы, сæвзæргæ фарстатæ куыд лыггонд цæуынц, уый тыххæй.
Æмбырдæн хатдзæгтæ кæнгæйæ, республикæйы разамонæг куыд фæнысан кодта, афтæмæй æппæт пълангонд куыстыты къуыхцытыл комкоммæ бæрнон уыдзысты профилон министрадтæ æмæ ведомствæты минæвæрттæ.
РЦИ-Аланийы
Сæргълæууæджы æмæ Хицауады
пресс-службæ
