Цӕгат Ирыстоны Сӕргълӕууӕг Сергей Меняйлойы ӕмӕ йӕхи номӕй нӕ республикӕйы Хицауады Сӕрдар Дзанайты Барис зӕрдиаг арфӕ ракодта социалон къабазы кусджытӕн сӕ бӕрӕгбоны фӕдыл ӕмӕ сын радта паддзахадон хӕрзиуджытӕ ӕмӕ кады гӕххӕттытӕ. Ацы мадзал кадджын уавӕры ацыд Евгений Вахтанговы номыл академион Уырыссаг театры.
Нӕ республикӕйы Сӕргълӕууӕджы Указмӕ гӕсгӕ «Цӕгат Ирыстон-Аланийы цӕрджыты социалон хъахъхъӕнынады сгуыхт кусӕджы» ном лӕвӕрд ӕрцыд: ӕрыдоны районы адӕмӕн социалон лӕггӕдты комплексы центры кусӕг Баскаты Ритӕйӕн, Дзӕуджыхъӕуы ацӕргӕ ӕмӕ сахъат адӕмы боныгон дзӕбӕх кӕныны центры специалист Габанты Лорӕйӕн, Дзӕуджыхъӕуы Ирыстоны районы социалон лӕггӕдты комплексон центры хайады сӕргълӕууӕг Гецаты Маринӕйӕн, Терчыфалейы районы цӕрджытӕн Социалон лӕггӕдты центры хайады кусӕг Годжыцаты Санетӕйӕн, сахъат сывӕллӕтты реабилитацийы республикон центр «Феникс»-ы дохтыр-психиатр Виктория Киороглыйӕн, Цӕгат Ирыстоны Фӕллой ӕмӕ социалон рӕзты министрады хайады хицау Киситы Ларисӕйӕн, Дзӕуджыхъӕуы Промышленнон районы цӕрджыты социалон лӕггӕдты комплексон центры сӕйраг нымайӕг Кучиты Альбинӕйӕн, нӕ республикӕйы зӕрӕдтӕ ӕмӕ сахъат адӕмы хӕдзар-интернат «Аудынад»-ы медицинон хо Мӕхъиты Еленӕйӕн, санатори «Ирыстон»-ы хайады сӕргълӕууӕг, дохтыр-кардиолог Мамсыраты Земфирӕйӕн, Дзӕуджыхъӕуы Ирыстоны районы цӕрджыты социалон хъахъхъӕнынады управленийы хицау Эльмирӕ Манташевайӕн, санатори «Ирыстон»-ы дзӕбӕхгӕнӕн физкультурӕйы дохтыр Платы Зинӕйӕн ӕмӕ Цӕгат Ирыстоны Фӕллой ӕмӕ социалон рӕзты министрады хайады хицау Тыбылты Арлетӕйӕн.
Кӕронбӕттӕны уазджытӕн нӕ зындгонд артисттӕ ӕмӕ музыкалон коллективтӕ радтой зӕрдӕмӕдзӕугӕ концерт.
Нӕ уацхӕссӕг
