Дзӕуджыхъӕу ӕмӕ Горӕтгӕрон районы прокуратурӕтӕ ацы бонты цӕстдарӕн мадзӕлттӕ ӕххӕст кӕнынц, амынд муниципалитетты тыхджын къӕвдатӕ ӕмӕ ихуарды фӕстиуджытӕ куыд иуварсгонд цӕуынц, уый фӕдыл.
Зындгонд куыд у, афтӕмӕй тыхджын къӕвдатӕ ӕмӕ ӕндӕр ахӕм ӕрдзон фӕзындтытӕ 18 июны стыр зиантӕ ракодтой Дзӕуджыхъӕу ӕмӕ йӕ алыварс цалдӕр хъӕуы ӕхсӕнадон бынӕттӕ ӕмӕ цӕрджыты исбонадӕн. Бынӕтты кусынц фыдбылызты фӕстиуджытӕ иуварсгӕнӕг оперативон штабтӕ. Уыдонӕн иудадзыгон ӕххуыс кӕнынц республикон министрадтӕ ӕмӕ ведомствӕты минӕвӕрттӕ.
Прокуратурӕйы минӕвӕрттӕ се ‘ргом аздӕхтой, ӕрдзон фыдбылыз цы материалон зиантӕ ракодта, уыдонӕн аргъгӕнӕг къамисты куыстмӕ дӕр. Уымӕй уӕлдай, ведомствӕйы минӕвӕрттӕ хъыгдардбаййафӕг адӕмӕн амынддзинӕдтӕ дӕттынц, фыдбылызы рӕстӕг сӕфт гӕххӕттытӕ куыд тагъддӕр сног кӕной, уый фӕдыл.
Юлия Коллегова,
РЦИ-Аланийы Прокуратурӕйы пресс-службӕ
