Уæрæсейы æвзарæн уагæвæрдыл ацы аз æххæст кæны 30 азы. 1993 азы УФ-йы Президент Владимир Путин æвзæрстыты тыххæй бафыста бардзырд Паддзахадон Думæмæ. Баст уыд Центрон æвзарæн къамис саразынимæ. Уый конституцион бындур сæвæрдта ног æвзарæн уагæвæрдæн. РЦИ-Аланийы Сæргълæууæг Сергей МенЯйло республикæйы Центрон æвзарæн къамисы кусджытæн арфæ ракодта сæ бæрæгбоны фæдыл æмæ сæ схорзæхджын кодта паддзахадон æмæ республикон хæрзиуджытæй.
— Зæрдиаг арфæ уын кæнын уæ бæрæгбоны фæдыл æмæ уын бузныг зæгъын. Уæ куыст æнцон нæу, афтæ зæгъæн ис, æмæ æдас дæр нæу. Уæлдайдæр — æвзæрстыты рæстæг. Адæм алыхуызон сты, арæх уæ мæт кæнын дæр бахъæуы. Уæддæр уæ куыст, куыд æмбæлы, афтæ æххæст кæнут æмæ уæ цæрæнбон бирæ уæд. Æвзарæн уагæвæрд, фыццаджыдæр, адæм сты, ома — сымах. Æвзæрстытæ иу адæймаг нæ сараздзæн, уый бантысдзæн æрмæстдæр иу хъуыдыйыл хæст, æнгом коллективæн. Ахæм стут сымах, æмæ уын стыр бузныг.
РЦИ-Аланийы æвзарæн уагæвæрды йæ бирæ азты æнтыстджын куысты тыххæй РЦИ-Аланийы Сæргълæууæджы уынаффæйæ Кады гæххæттæй хорзæхджын æрцыдысты Гергиты Никъалайы чызг Ларисæ, Дзалаты Светланæ, Зæнджиаты Аслан æмæ иннæтæ.
УФ-йы Центрон æвзарæн къамисы Уынаффæйæ Кадджын нысан «Æвзæрстытæ саразыны хъуыддаджы æнтыстдзинæдты тыххæй» лæвæрд æрцыд Гуыриаты Людмилæйæн æмæ Мæхъиты Ритæйæн.
РЦИ-Аланийы Центрон æвзарæн къамисы иннæ кусджытæ дæр райстой паддзахадон æмæ республикон хæрзиуджытæ.
Гæбуаты Галинæ
