Владимир ЯКУШЕВЫ сæвæрдтой политикон парти «Иугонд Уæрæсе»-йы Генералон советы нымæрдары хæстæ рæстæгмæ æххæстгæнæгæй.
«Иугонд Уæрæсе»-йы сæрдар Дмитрий Медведевæн уыд хъуыддаджы фембæлд Андрей Турчак æмæ Владимир Якушевимæ.
– Владимир Якушев куыста мэрæй, губернаторæй, стæй бæстæйы Хицауады министрæй. Ныртæккæ кусы Уæрæсейы Президенты Æххæстбарджын минæварæй Урайлаг федералон зылды. Якушевæн ис хорз фæллойадон биографи. «Иугонд Уæрæсе» разамынддæттæг партийыл нымад кæй у, уымæ гæсгæ партион куыстимæ зонгæ дæ. Æнæ «Иугонд Уæрæсе»-йæ иунæг фарс-
та дæр нæдæр регионты, нæдæр федералон æмвæзадыл нæ лыг кæнынц. Партийы Генералон советы нымæрдары бынатæн стыр ахадындзинад кæй ис, уый нымайгæйæ, æз партийы уæнгтæ æмæ нæ бæстæйы Президентимæ ныхас кодтон, – загъта Дмитрий Медведев.
– Парти кæй æххæст кодта, «Иугонд Уæрæсе»-йы Генералон советы нымæрдары хæстæ рæстæгмæ æххæст кæнгæйæ, уыцы куыст (ныхас цæуы адæмон программæйыл æмæ Президенты Ныстуаны æвæрд хæслæвæрдтыл) дарддæр æххæст кæндзынæн. Ныртæккæ Хицауад цæттæ кæны ног национ проекттæ æмæ «Иугонд Уæрæсе» ацы хъуыддаджы разæнгардæй архайы, – загъта Владимир Якушев.
Дмитрий Медведев партийы Генералон советы раздæры нымæрдар Андрей Турчакæн йе ’ххæстгонд куысты тыххæй бузныг загъта.
Ныхас кæнгæйæ, Андрей Турчак загъта:
– Рагæй кæимæ зонгæ дæн, партийы Генералон советы уыцы ног нымæрдарæн бахъуаджы заман баххуыс кæнынмæ цæттæ дæн. Партийы регионалон хайæдтæ сты нывыл уавæры. Якушевмæ ис регионалон куысты стыр фæл-
тæрддзинад.
Владимир Якушев райгуырд 1968 азы 14 июны башкираг горæт Нефтекамскы. Каст фæци Тюмены паддзахадон университет. Райста «Барадиртасæг», стæй «Финанстæ æмæ æфстæуттæ»-йы дæсныйад, ис æм экономикон наукæты кандидаты ахуыргонды цин.
1993 азæй фæстæмæ куыста алыхуызон бынæтты. 2001 азæй фæстæмæ ахста Тюмены облæсты вице-губернаторы бынат, 2005-2018 азты куыста амынд облæсты губернаторæй, 2018-2020 азты – Уæрæсейы арæзтад æмæ цæрæнуатон-коммуналон хæдзарады министрæй.
2020 азы ноябрæй фæстæмæ куыста Уæрæсейы Президенты Æххæстбарджын минæварæй Урайлаг федералон зылды. У партийы Уæлдæр советы бюройы уæнг.
Амæй размæ бæстæйы Президенты Указмæ гæсгæ, Андрей Турчакы сæвæрдтой Республикæ Алтайы сæргълæууæджы хæстæ рæстæгмæ æххæстгæнæгæй. Амынд адæймаг «Иугонд Уæрæсе»-йы Генералон советы нымæрдарæй куыста 2017 азæй фæстæмæ.
Политикон парти «Иугонд Уæрæсе»-йы цæгатирыстойнаг
регионалон хайады пресс-службæ
