Медиаæдасдзинады форум “Цифрон Кавказ” Дагестаны 28-31 маймæ суыдзæн медиайы къабазы специалисттæн цифрон технологитæ ‘мæ медиаæдасдзинады къабазы ахуырадон æмæ коммуникацион фæзуат. Цæгат Кавказы федералон зылдæй, уыимæ, Цæгат Ирыстонæй дæр, стæй Уæрæсейы ног регионтæй мадзалы архайы сæдæйæ фылдæр адæймаджы. Цыппар боны дæргъы хъусдзысты раззагдæр экспертты лекцитæм, архайдзысты панелон дисскусситæ æмæ практикон ахуырты. Уæлдай æргом здæхт цæуы цифрон æдасдзинад æмæ фейкты ныхмæ тох кæнынмæ. Фыццаг бон уал форумы архайджытæн уыд фадат сæ кæрæдзиимæ, стæй кæрæдзийы фæлтæрддзинадимæ базонгæ уæвын. Медиаквест “Хъуыдыты цифрон уарт”-ы архайджытæ базонгæ сты æмæ сфæлтæрдтой роликтæ алыхуызон æрмæджытæ цæттæ кæнынимæ. Практикон æрмадз “Кросс-функционалон коммуникаци”– йы ахуыртæ нæм сæвзæрын кодтой стыр цымыдисдзинад. Форумы архайынц æфсæддон журналисттæ, регионалон политикæйы рæзты центры специалисттæ, эксперттæ.
ХУЫБИАТЫ Ларисæ
