2024 азы фыццæгæм кварталы фароны декабримæ абаргæйæ, республикæйы фæлхасадон базары æргътыл бафтыд 2,5% (Уæрæсейы — 2,0%), уыимæ, хойраджы товарты æргътыл — 4,1% (Уæрæсейы — 2,2%), промышленнон товарты æргътыл – 1,0% (Уæрæсейы 1,0%), лæггæдты æргътыл та бафтыд 1,8% (Уæрæсейы — 2,7%). Ацы азы фыццæгæм кварталы промышленнон товаруадзджыты æргъты индекс рауад 102,3%, уыимæ, пайдайаг къахинæгты амалкæнынады — 106,2%, хомагкусæг куыстуæтты — 102,1%, электрон тыхæй, газ æмæ доны тæфæй æфсисады, уæлдæф сыгъдæгкæнынады та — 101,9%.
2024 азы фыццæгæм кварталы хъæууонхæдзарадон продукциуадзджыты æргъты индекс рауад 100,1%, уыимæ, зайæгойты продукци фæаслам 0,2%, фосдарынады продукцийы æргътыл та бафтыд 6,6%.
2024 азы фыццæгæм кварталы инвестицион нысаниуæджы продукцийы(хæрдзтæ, лæггæдтæ) æргъты иумæйаг индекс рауад 100,9%, уыимæ, арæзтадон продукциуадзджыты æргъты индекс — 100,7%, машинæтæ æмæ инвестицион нысаниуæджы ифтонггæрзтæ æлхæныны æргъты индекс — 101,3%, инвестицион нысаниуæджы æндæр продукцийы (хæрдзтæ, лæггæдтæ) æргъты индекс та — 101,4%.
2024 азы мартъийы кæрон хойраджы продуктты æппæтæй къаддæр бæрцы аргъ, мæймæ нымайгæйæ, рауад 5736,23 сомы, ома, февралы кæронимæ абаргæйæ, фæзынаргъ 0,6%, азы райдайæнæй фæстæмæ та йыл бафтыд 5%.
