Цæгат Ирыстоны Гæздæнты Гайтойы номыл фæсивæдон библиотекæйы залы ацыд цытджын композитор Арно Бабаджаняны музыкалон номарæн изæр «Верни мне музыку».
Бетъырбухы Мариинаг театры цæгатирыстойнаг филиалы артисттæ Тедеты Арсен, Æлбегаты Дианæ æмæ Амир Рахимов, стæй Гергиты Валерийы номыл аивæдты колледжы студент Вадим Веремеенко композиторы хъуыстгонд зарджытæ акодтой. Аивадуарзджытæ артисттимæ иумæ æхсызгонæй æмзард кодтой.
Концертамонæг Иринæ Абатурова зæгъы:
— Адæймагмæ уæлмонц æнкъарæнтæ чи сæвзæрын кæны, аивадуарзджытæ Арно Бабаджаняны уыцы алæмæты музыкæмæ æхсызгонæй байхъусынц. Равдыстæуыд æвæджиауы мидисджын концерт.
Цæгат Ирыстоны Театралон архайджыты цæдисы æххуысæй дзыллон мадзалæн фадæттæ сарæзта Арно Бабаджаняны номарæн культурон-рухстауæг фонд.
Татьянæ ШЕХОДАНОВА,
авторы ист къам
