2025 азы 1 январæй фæстæмæ æххæстгонд æрцыд пенситы æрвылазон индексаци. Уый фæрцы кармæ гæсгæ фæдзæхстадон пенсийыл рæстæмбис нымадæй бафтыд 1,9 мин сомы æмæ афтæмæй сси 24,5 мин сомы бæрц. Ахæм нымæцтæ фехъусын кодта Уæрæсейы Социалон фонды РЦИ-Аланийы хайады пресс-службæ.
Фонды минæвар куыд фехъусын кодта, афтæмæй кармæ гæсгæ фæдзæхстадон пенсийæ уæлдай, индексаци сахадыдта сахъатдзинады тыххæй æмæ, æвæгæсæгæй чи баззад, уыцы адæмы пенситыл дæр. Æмткæй райсгæйæ, пенситы индексацийы бæрц æххæстгонд æрцыд 7,3 процентæй.
Социалон фонды минæвары ныхасмæ гæсгæ, ацы азы индексацийы хицæндзинад баст у, кусгæ чи кæны, уыцы пенсиисджытæн дæр нырæй фæстæмæ раздæрау сæ пенситыл æфтауын кæй райдыдтой, уыцы æууæлимæ. Адæмы ацы къорды кармæ гæсгæ пенситыл рæстæмбис нымадæй бафтыд 1,7 мин сомы, æмæ афтæмæй йæ иумæйаг бæрц схæццæ 20,9 мин соммæ. Уымæй уæлдай, кусæг пенсиисæг йæ фæллойадон архайд куы ныууадза, уæд ын Социалон фонд скæндзæн уæлæмхасæн индексаци амæйразмæйы азты хыгъдмæ дæр.
Пресс-службæйы минæвар куыд фæбæрæг кодта, афтæмæй январы пенситы индексаци аххæссыд 38,6 милуан уæрæсейаг пенсиисæгыл. Уыдонæй 31,5
милуаны бæрц сты, кусгæ чи нæуал кæны, уыдон. Адæмы ацы къордæн сæ фæдзæхстадон пенситыл рæстæмбисæй бафтыд 1,9 мин сомы æмæ афтæмæй йæ иумæйаг бæрц сси 24,4 мин сомы.
Социалон фонды регионалон хайад ахæм индексаци скодта 167,5 мин цæгатирыстойнаг пенсиисæгæн.
Ногазон бæрæгбæтты агъоммæ пенсиисджытæй бирæтæн рагагъоммæ байуæрстой сæ индексацигонд пенситæ (ома, графикмæ гæсгæ пенси мæйы фарæстæм бонмæ чи исы, уыдонæн). Иннæ пенсиисджытæн посты хайæдтæ сæ пенситæ дæттынц 3 январæй 25 январы онг.
Уыимæ, Социалон фонды минæвар зæрдыл æрлæууын кодта ахæм æууæл дæр. 2024 азы кæронбæттæн бæрæггæнæнтæ бахынцгæйæ, инфляцийы иумæйаг бæрц 7,3 процентæй фылдæр куы рауайа, уæд Хицауады уынаффæйæ пенситæн хъуамæ арæзт æрцæуа уæлæмхасæн индексаци.
Æппæт амынд фарстаты фæдыл дæр бадзурæн ис Уæрæсейы Социалон фонды контакт-центрмæ ахæм телефонæй:
8-800-100-00-01.
УФ-йы Социалон фонды
цæгатирыстойнаг хайады пресс-службæ
