Сабибонтæй фæстæмæ дзæуджыхъæуккæгтæ хорз зонгæ кæимæ сты, горæты Центрон парчы уыцы скульптурон композици «Дада æмæ хъæбул» биноныг банывыл кодтой специалисттæ.
Æхсæнгарзы нæмгуытæй рауайæг хуынчъытæ цалцæггæнæн куыстыты рæстæг иуварсгонд æрцыдысты, фыдгæнджытæ кæй рарæдывтой, æрмдæснытæ ахæм æрхуы уадздзæгтæ ногæй сæ бынаты сæвæрдтой. Уымæй уæлдай, специалисттæ композицийы бындур сцалцæг кодтой, згъæр æмбонд бафидар кодтой, стæй дзы къæйдуртæ сæвæрдтой.
Композици кæм ис, ивгъуыд фæззæджы парчы ахæм хайы ныссагътой хихджын бæлæстæ, сывæллæттæн та бацæттæ кодтой нырыккон æдас хъазæн фæз. Скульптурон композици банывыл кодтой Терчы былгæрæттæ комплексон уагæй цалцæгкæнынады пъланмæ гæсгæ.
Уæ зæрдыл уын лæууын кæнæм: фарон программæ «Удæнцой горæтаг уавæрты арæзтад»-мæ гæсгæ специалисттæ Терчы былгæрæттæ Цæнгæт хидæй Солянæй фæрсылуынджы онг сцалцæг кодтой. Национ проект «Цæрæнуæттæ æмæ горæтаг уавæртæ»-мæ хауæг аивгæнæн куыстытæ хаст æрцыдысты ног национ проект «Цардæн инфраструктурæ»-мæ. Ацы проектмæ гæсгæ, афæдзы кæронмæ Дзæу-
джыхъæуы 18 æхсæнадон тæлмы цалцæггонд æрцæудзысты.
Нæ уацхæссæг