Мæздæджы горæты Хæлардзинады хæдзары РЦИ-Аланийы национ хъуыддæгты æмæ æддагон бастдзинæдты министр Бæгъиаты Алан фембæлд æнæкоммерцион æмæ æхсæнадон организациты минæвæрттимæ.
Æнæкоммерцион æмæ æхсæнадон организацитæ – корейаг, грекъаг, цæцæйнаг адæмыхæттыты культурон-национ æхсæнæдты разамынд, цигайнаг культурæйы клубы, спортивон-патриотон клубы æрвыст адæм æхсызгонæй радзырдтой сæ
куыст, сæ архайды тыххæй.
Уымæй уæлдай, фæбæрæг кодтой 2025 азмæ нысантæ, уæлдай æргом аздæхтой адæмыхæттыты ‘хсæн разыдзинад тауыс кæнынмæ. Бæгъиайы-фырт куыд ра-дзырдта, афтæмæй этникон къордты æмæ æхсæнадон иугæндты ‘хсæн æмгуыстадæн стыр ахадындзинад ис. Уый руаджы фидардæр кæндзæн кæрæдзийæн аргъ кæныны æмæ æмгуыстдзинады хъуыддаг.
Кæронбæттæны Бæгъиаты Аланæн балæвар кодтой дагестайнаг æхсæнады сæрдар Гимбатовы чиныг «Сердце отдаю людям». Зæгъæн ис, æмæ уый ссис иудзинады æмæ адæмты ‘хсæн культурон бастдзинæдтæ фидардæр кæныны æвдисæндар.
Нæ уацхæссæг
