Алагиры мидхъуыддæгты хайады Æхсæнадон советы уæнг, фæсивæды æппæтуæрæсеон æхсæнадон-паддзахадон змæлд «Фыццæгты змæлд»-ы бынæттон хайады разамонæг Ханайты Таймураз уыд Алагиры скъола-интернаты ацæуæг «Я помню! Я горжусь! 1941-1945 гг.» æфсæддон-патриотон зарæджы конкурсы жюрийы уæнг.
Амынд ахуыргæнæндоны скъоладзаутæ кæм архайдтой, уыцы конкурс скодтой Фыдыбæстæ хъахъхъæнæджы азы кадæн хъомыладон куысты пълан æххæст кæныны фæткмæ гæсгæ. Ханайы-фыртæй фæстæмæ ахуырдзауты зарыны дæсныдзинадæн аргъ кодтой горæты аивæдты скъолайы ахуыргæнæг Бесолты Зæлинæ, районы Культурæйы галуаны хистæр специалист Бекмæрзты Зæринæ, стæй сæрмагонд æфсæддон операцийы ветеранты ассоциацийы уæнгтæ Магкæты Олег, Хъалæгаты Таймураз æмæ Дарчиты Георги.
Ахуыргæнæндоны коллектив парахатæй кæй æххæст кæны, сывæллæттæ уыцы патриотон хъомыладæн ахъазгæнæг дзыллон мадзалы æхсызгонæй архайдтой. Фæсивæд Фыдыбæстæйыл цæмæй æнувыд уой, уый у патриотон хъомылады сæйраг хæслæвæрдтæй иу, æмæ скъола-интернаты ахуыргæнджытæ ацы хæслæвæрд разæнгардæй æххæст кæнынц.
Фыдыбæстæйы Стыр хæсты заман фашистон Германыл Советон Цæдисы Уæлахизæн дунеон ахадындзинад кæй ис, æфсæддон-патриотон зарæджы амынд конкурс ууыл дзурæг у.
Гæззаты Зæринæ, Алагиры районы мидхъуыддæгты
хайады инспектор
