Уæлæмхасæн ахуырады Цæгат Ирыстоны центры уыдзæн ног ахуырадон программæтæ. Фæлтæрдджын специалистты æххуысæй сывæллæттæ ахуыр кæндзысты англисаг æвзаг, дурынтæ кæныны дæсныйад, уæлæдарæсы дизайн æмæ йæ кæрдыны æууæлтæ. Тæккæ кæстæр сабиты та цæттæ кæндзысты скъоламæ бацæуынмæ.
Ахуыртæ райдайыны агъоммæ алы ахуыргæнæг дæр бацæттæ кæны, йæ хъомылгæнинаджы зондахасты æууæлтæм гæсгæ хъæугæ пълан.
Уæлæмхасæн ахуырады фадæттæ фæуæрæхдæр уыдзысты Космонавтикæйы скъолайы дæр. Цæгат Ирыстоны Ахуырад æмæ наукæйы министрады куыд зæгъынц, афтæмæй æппæт уыцы мадзæлтты фæрцы алы сывæллонæн дæр уыдзæн гæнæнтæ рагацау йæ курдиæттæ раргом кæнынæн.
РЦИ-Аланийы Ахуырад æмæ наукæйы министрады пресс-службæ
