РЦИ-Аланийы Сæргълæууæг Сергей Меняйло фембæлд Волгограды облæсты делегациимæ, йæ разамонæг – Уæрæсейы Нациты хъуыддæгты федералон агентады разамонæджы уынаффæгæнæг, Волгограды облæсты культурæйы рæзты æхсæнадон организаци «Хæлардзинады хæдзар»-ы сæрдар, культурон-гуманитарон акци «Адæмтæ иумæ — азты æхсæнты»-йы автор Фæрниаты Хъазыбег.
Фембæлды архайдтой горæт Волгограды Дагъистаны адæмты национ-культурон автономи «Дагъистан»-ы сæрдар Абдулвагаб Джалилов, бынæттон æхсæнадон организаци «Горæт Волгограды афгайнаг национ-культурон автономи»-йы сæрдар Абдул Манан Шер Али, Волгограды облæсты узбекаг общинæйы лидер Рашид Юсупов, Волгограды облæсты культурæйы рæзты æхсæнадон организаци «Хæлардзинады хæдзар»-ы сæрдары хæдивæг, журналист Ани Унанян, Волгограды регионалон æхсæнадон организаци «Волгограды къарейæгты ассоциаци»-йы правленийы сæрдар Андрей Пак, Волгограды облæсты культурæйы рæзты æхсæнадон организаци «Хæлар-дзинады хæдзар»-ы активист Юрий Шарнас.
Цæгат Ирыстоны Хицауады хæдзары фембæлд у, раздæр Запорожьейы облæсты республикæйы Сæргълæууæг æмæ Уæрæсейы Нациты хъуыддæгты федералон агентады разамонæджы уынаффæгæнæг Фæрниаты Хъазыбеджы ‘хсæн цы ныхас рауад, уый фæстиуæг. Уым ма хæстонтимæ айтыгътой, сæдæ метры йæ дæргъ кæмæн уыд, Уæрæсейы ахæм тырыса – иудзинады нысаниуæг.
Сергей Меняйло зæрдиаг арфæ ракодта Волгограды Хæлардзинады хæдзары командæ æмæ регионы губернатор, Уæрæсейы Хъæбатыр Андрей Бочаровæн, æхсæнадæмон культурон-гуманитарон акци «Адæмтæ иумæ – азты æхсæнты»-йы фæлгæты сæрмагонд диверсион-сгарджыты къорд «Алани»-йæн æххуысы тыххæй.
Уæлдæр амынд делегаци къорд хатты уыдис сæрмагонд æфсæддон операцийы тæлмы, не ‘мзæххонтæн аласынц хъæугæ техникæ, транспортон фæрæзтæ, дронтæ, 3D-принтертæ æмæ æндæр ифтонггæрзтæ.
Фæрниаты Хъазыбег йæхи рады загъта бузныджы ныхæстæ Цæгат Ирыстоны Хицауад æмæ Сергей Меняйлойæн, æхсызгонæй сæ кæй суазæг кодтой æмæ сæрмагонд æфсæддон операцийы архайджытæм иудадзыг стыр æргом кæй здахынц, уый тыххæй.
ГАПБАТЫ Алетæ
