Кировы районы адæмæн социалон лæггæдты комплексон центры специалисттæ сæрмагонд æфсæддон операцийы архайджыты сывæллæттæн сарæзтой цымыдисаг балц сырддон «Арвæрдын»-мæ. Мадзал арæзт цыд национ проект «Бинонтæ»-йы бындурыл.
Рæзгæ фæлтæрæн сырддонмæ экскурси тынг цымыдисаг разынд. Сывæллæттæ æхсызгон тæлмæнтæ райстой, цы федтой, уыцы алæмæты æрдзон нывтæй, бирæтæ дзы хъæддаг сырдты æрмæст чингуыты сыфтыл нывгондæй федтой, ацы ран та сæ цæстыты раз фестадысты, цыма аргъæуттæй рахызтысты сырдтæ, афтæ сæм фæкаст.
Экскурсовод сын бæлвырд радзырдта алы цæрæгойы тыххæй дæр, стæй, парчы хи дарын куыд хъæуы, уыцы лыстæг хабæртты фæдыл. Экскурсийы архайджытæ разыйæ баззадысты сæ балцæй. Ахæм тезгъотæ рæзгæ фæлтæрæн канд циндзинад нæ хæссынц, фæлæ ма ахъаз сты сæ зондахастыл хуыздæрырдæм ахадынæн, дуне хæлардзинад æмæ рæсугъд хъуыддæгтæй дзаг кæй у, уый бæлвырд æмбарынæн.
Æрмæджытæ бацæттæ кодта
Саутæты Тамилæ
