Дзæуджыхъæуы къахвæндаджы хидыл-иу алы бæрæгбæттæм фæзынд рухсæй конд инсталляцитæ. Зæгъæм, Цытджын Уæлахизы бонмæ – зарæджы рæнхъытæй фыст: «Этот день мы приближали как могли». Алы рæстæджыты ма дзы зындгонд поэт Александр Пушкины гуырæнбонмæ ныффыстой: «Ам уыдис Пушкин», стæй Евгений Вахтанговы ныхæстæ: «Нæй бæрæгбон – нæй спектакль» Вахтанговы дыккаг фестивалы рæстæг июлы.
Æдæппæтæй Горæты бонмæ Дзæуджыхъæу барæсугъд кæнынмæ ацы хатт уагъд æрцæудзæн 1,2 милуан сомы, курдиат ныридæгæн фæзынд паддзахадон æлхæнинæгтæ сайты. Техникон хæслæвæрдмæ гæсгæ бæрæгбонмæ сцæттæ кæндзысты 80 хуызджын тырысайы, 40 тырысайы та – джиппимæ, сæвæрдзысты сæ Кировы æмæ Цæнгæт хидтыл. Уымæй уæлдай ма бæрæгбонон роликтæ æвдисдзысты цалдæр видеоэкраныл.
БУТАТЫ Азæмæт
