Ахуыры аз райдыдта, æмæ скъоладзаутæ, студенттæ сæрды фæллад-
уадзæн рæстæджы фæстæ бацахстой сæ бынæттæ кълæстæ æмæ аудиториты.
Цæгат Ирыстоны медицинон колледжы сарæзтой ирд бæрæгбон, фарæстæм къласы фæстæ ам йæ ахуыр адарддæр кæнын чи сфæнд кодта æмæ фæлварæнтæ æнтыстджынæй чи ратта, уыцы чызджытæ æмæ лæппутæн.
Сæдæгай фыццагкурсонтæ рарæнхъ сты колледжы спортивон фæзы. Фæсивæдæн зæрдæбын арфæйы ныхæстæ загътой ахуырадон уагдоны директор Реуазты
Таймураз, колледжы рауагъдонтæ – сæрмагонд æфсæддон операцийы архайджытæ Александр Мурацев æмæ Дзæрæхохты Дзамболат, предмет «Райгуырæн бæстæ хъахъхъæнын æмæ æдас цард»-ы ахуыргæнæг, булкъон Гецаты Валери, Дзæуджыхъæуы Минæвæртты æмбырды депутат Хъараты Замырз. Уый фæстæ кълæсты разамонджытæ фыццагкурсонты базонгæ кодтой колле-
джы Устав æмæ ахуырадон артдзæсты уавæртимæ – хи куыд дарын хъæуы, уыцы фæткимæ.
Ныр чызджытæ æмæ лæппутæ сты колледжы студенттæ, æмæ сæм ра-
зæй æнхъæлмæ кæсынц цымыдисаг цаутæй хъæздыг ахуыры азтæ.
ГАПБАТЫ Алетæ
