Республикæйы Æнæниздзинад хъахъхъæнынады министрад куыд хъусын кæны, афтæмæй, æрра низæй рынчын цæрæгойтæ кæуыл фæхæцыдысты, уый ныхмæ вакцинæ барвыстой дзæбæхгæнæн кусæндæттæм.
Ныридæгæн хос уæрст цæуы регионы медицинон организацитыл, цæмæй, низджын цæрæгойтæ кæуыл фæхæцыдысты, уыцы адæймæгтæн афоныл æвæстиатæй баххуыс кæной, æрра низæй сæ фæрынчын кæнын ма бауадзой. Тагъд æххуысы клиникон рынчындоны травматологон пунктмæ вакцинæ фæхæццæ, æмæ сæм æххуысагур чи æрбацæуы, уыдонæн æй скæнынц.
– Хъыгагæн, ныртæккæ дзæгъæл куыйтæ тынг сарæх сты. Низы хатт зынтæй дзæбæх кæны, ахсджиаг у ахæм адæймагæн антирабикон вакцинæ йæ рæстæгыл райдайын кæнын. Науæд æрра низæй хъæстæ цæрæгойтæ адæймагыл дæр низ бафтаудзысты, – загъта нæ уацхæссæгæн травмпункты сæргълæууæг Христофор Поландов.
Нæ уацхæссæг
