1994 азы, 12 ноябры, Цæгат Ирыстоны республикæйы Сæйраг Совет сфидар кодта Сæйраг закъон, уымæ гæсгæ Ирыстоны бирæнацион адæм сæ паддзахадон сконд сбæрæг кодтой Уæрæсейы Федерацийы.
Уый нæ республикæйæн уыд ахсджиаг цау, байгом кодта йæ историйы ног сыф. Цæгат Ирыстоны Конституци сси æхсæнадон-политикон нывылдзинад æмæ социалон-экономикон ивддзинæдты рахæцæн. Уымæй уæлдай, бындур сæвæрдта граждайнаг æхсæнады институттæн.
Зынаргъ æмбæстæгтæ! Цæгат Ирыстоны Конституцийы бон у историон, культурон, удварны традициты рæзт бахъахъхъæныны сæйраг закъон. Уый руаджы сæдæгай нацитæ дæргъвæтин рæстæг хæларæй æмæ кæрæдзийы æмбаргæйæ цæрынц. Нæ иумæйаг нысан у Конституцийы хæзнатæ хъахъхъæнын, цы бындуртæ дзы фыст æрцыд, уыдонæн дзуапп дæттын, алы гражданин дæр закъоны ахадындзинад куыд æмбара, афтæ.
Мæ зæрдæ уын зæгъы сабырдзинад, фарн, Ирыстон æмæ Уæрæсейы сæраппонд æнтыстытæ!
Тускъаты Таймураз,
Цæгат Ирыстон-Аланийы Парламенты Сæрдар
