Советон Цæдисы Хъæбатыр Дзусты Ибрагимы номхæссæг, дзæуджы-
хъæуккаг 46-æм скъола бабæрæг кодта РЦИ-Аланийы Сæргълæууæг Сергей Меняйло.
Республикæйы разамонæг скъолайы директор Гæззаты Валентинæимæ бацыдысты ахуырадон кусæндоны Хæстон намысы музеймæ, ныхас рауад ахуырдзаутæ æмæ ахуыргæнджытимæ. Музейы ис дыууæ залы, сæ иуы равæрдтой Фыдыбæстæйы Стыр хæстимæ баст экспонаттæ, дыккаджы та – сæрмагонд æфсæддон операцийы архайджыты цард æмæ хъæбатырдзинады тыххæй æрмæджытæ.
Фыдыбæстæйы Стыр хæсты тыххæй залы ныхас цæуы æфсымæрон ингæнтæ, хицæн уæлмæрдты фæдыл. Сæрмагонд æфсæддон операци куы райдыдта, уæд скъолайы коллектив февнæлдта æрмæг æмбырд кæнынмæ. Ныртæккæ операци куыд цæуы, уый фенæн ис интерактивон картæйыл. Кадджын бынат дзы ахсынц батальон «Шторм Осетии»-йы тырыса, уымæй уæлдай, йæ цард Фыдыбæстæйы сæраппонд чи снывонд кодта, уыдоны нæмттæ.
Сæ рæстæджы ацы скъолайы ахуырдзаутæ уыдысты Уæрæсейы Хъæбатыр Абайты Юри, уый ныртæккæ у фæллой æмæ социалон рæзты министр. Уæрæсейы Хъæбатыр Тыбылты Мараты фæсномыг уыд «Талиб», фæмард Курскы облæсты, стыр лæгдзинад равдисгæйæ. 46-æм скъолайы ахуырдзаутæ азарыдысты зарæг «Журавли», радзырдтой æмдзæвгæтæ. Сæхæдæг экскурсоводтæ уæвгæйæ, скъоладзутæ Сергей Меняйлойæн радзырдтой сæйрагдæр экспонатты тыххæй, æфсæддонты дзаумæттæ равдыстой.
Сæрмагонд æфсæддон операцийы залы РЦИ-Аланийы Сæргълæууæг аныхас кодта ахуыргæнджытимæ, сывæллæттимæ. Фæбæрæг кодта рæзгæ фæлтæры хъомылады ахадындзинад, Райгуырæн бæстæйæн лæггад кæныны бæрнондзинад, дзуаппытæ ратта хистæркъласонты фарстытæн.
«Историон цаутæ кæддæриддæр кæрæдзиимæ баст вæййынц, ныртæккæ нæ бæстæйы сæраппонд чи сыстад, уыдон сæ бабаты лæгдзинад дарддæр хæссынц. Сымах та стут цытджын уæлахиздзауты фæдонтæ, уыдон 80 азы размæ нæ бæстæйæн Уæлахиз æрхастой. Уæ алкæмæ дæр хицæн цæстæнгас ис цардмæ, дунейы цы ивд-
дзинæдтæ цæуынц, уыдонмæ, фæлæ нæ иу кæны нæ бæстæ – Уæрæсемæ, уарзондзинад нацитæ æмæ динтæ не ‘взаргæйæ, æмхуызонæй стæм нæ уарзон Фыдыбæстæйы сæрылхæцджытæ», – загъта РЦИ-Аланийы Сæргълæууæг Сергей Меняйло.
Ацы ахсджиаг фембæлды ма архайдтой æндæр бæрнон адæймæгтæ, сæрмагонд æфсæддон операцийы ветерантæ.
РЦИ-Аланийы
Сæргълæууæг
æмæ Хицауады
пресс-службæ
