Социалон фидыды фæрцы беслæйнаг авд сывæллоны мад Цхуырбаты
Лидæйы ирхæфсæн куыстæй рауад æнæхъæн бизнес-проект. Бирæсывæллонджын бинонтæ социалон фидыд сфидар кодтой национ проект «Бинонтæ»-йы руаджы.
Æртæ азы размæ Лидæ сапæттæ фыцын райдыдта. Ацы куыст райдианы нымад уыд хиирхæфсæныл. Иуцасдæр рæстæджы фæстæ зонгæ сылгоймаг Лидæйæн бахаста социалон фидыд сфидар кæныны фæндон, ирхæфсæн архайдæй бизнес-проект куыд рауайа, афтæ.
Æхцайæ æххуысрайсæг Лидæ хъæугæ ифтонггæрзтæ æмæ æрмæджытæ балхæдта æмæ афтæмæй куыстад рапарахат. Сылгоймаг хæдбарæй ахуырад ацыд, куыстады лыстæг фæзилæнтæ рахатыд æмæ ныр ист зонындзинæдтæй практикон уагæй парахатæй пайда кæны. Лидæйы фæнды натуралон хомагæй канд сапæттæ нæ, фæлæ ма æндæр дзаумæттæ дæр аразын. Дарддæр йæ практикон фæлтæрддзинад фæфылдæр кæныныл архайы.
Лидæйæн иудадзыгон клиенттæ фæзынд. Социалон хызты руаджы сылгоймаджы уагъд продукци ног æлхæнджытæ дæр райсынц. Паддзахадон æххуысы фæрцы куыстуарзаг адæймæгтæ сæ бизнес æнтыстджынæй кæй æххæст кæнынц, Лидæйы хъуыддаг ууыл дзурæг у.
ГУГКАТы Жаннæ
