РЦИ-Аланийы Сæргълæууæг Сергей Меняйло фембæлд акционерон æхсæнад «Россельхозбанк»-ы Стъарапойлаг регионалон хайады директор Алексей Сенокосов æмæ ацы банчы бизнесы рæзты цæгатирыстойнаг центры директор Мзокты Олегимæ.
Ныхас цыди регионы фæзуаты иумæйаг проектты тыххæй, бæлвырддæр та, сæрмагонд æфсæддон операцийы архайджытæ æмæ сæ бинонтæн, стæй граждæнты льготон къордæн æнцонвадат цæрæнуæттæ дæттыны программæ царды уагъд куыд цæуы, ууыл.
Мадзалы ма архайдтой РЦИ-Аланийы Хицауады Сæрдары фыццаг хæдивæг Отарты Георги æмæ арæзтад æмæ архитектурæйы министр Бетанты Марат.
Абон республикæйы куыст цæуы Ногиры хъæуы комплексон рæзтыл, йæ сæйраг нысан у сæрмагонд æфсæддон операцийы архайджытæ æмæ сæ бинонтæн, стæй ре-
гионы граждæнты уæлбар къордæн æнцонвадат цæрæнуæттæ раттын.
Программæйы архайджытæн фадат уыдзæн ипотекæ райсыны хъуыддаджы алыхуызон программæтæй спайда кæнын, уыдонимæ – бинонты æмæ хъæууон ипотекæйæ. Фембæлды архайджытæ куыд фæбæрæг кодтой, афтæмæй, ипотекæйы программæйæ уæрæхдæр пайда кæнгæйæ, республикæйы уыцы граждæнты къордтæн дзæвгар æнцондæр уыдзæн æнцонвадат цæрæнуæттæй сифтонг кæнын.
Уæ зæрдыл уын лæууын кæнæм, хъæууон ипотекæйы программæйы сæ бон архайын у, ныртæккæ сæрмагонд æфсæддон операцийы чи ис, уыцы хæстонтæ, æмæ, чи фæмард, уыдоны бинойнæгтæн.
Гапбаты Алетæ
