РЦИ-Аланийы Сæргълæууæг Сергей МЕНЯЙЛОЙÆН фембæлд уыд автономон æнæкоммерцион организаци «Диалог-регионы»-йы цæгаткавказаг управленийы разамонæг Артем ПАВЛЕНКОИМÆ. Ныхасы архайæг уыдысты Цæгат Ирыстоны Регионы разамынды центры кусджытæ дæр.
Фембæлд баст уыд, Регионы разамынды центры сарæзтыл 5 азы кæй сæххæст, уыимæ.
Сергей Меняйло центры кусджытæн зæрдиаг арфæ ракодта, республикæйы цæрджытæ æмæ паддзахадон структурæты ’хсæн бастдзинад æмæ æмархайд нывылдæр кæныныл кæй кусынц, уый тыххæй. Республикæйы разамонæ-
джы ныхасмæ гæсгæ, центры специалистты ’рдыгæй иудадзыг бæстон цæстдард ис, регионы цæрджытæ социалон хызæгты цы курдиæттæ æмæ хъæстытæ ныммыхуыр кæнынц, уыдонмæ. Уыимæ, алкæцы курдиаты фæдыл дæр хъусынгæнинаг барвитынц профилон ведомствæтæм, цæмæй фарста афойнадыл лыггонд æрцæуа.
– Сымах куысты фæрцы хицаудзинады оргæнтæ æмæ æндæр паддзахадон структурæты архайд æргомдæр æмæ хæстæгдæр у республикæйы цæрджытæм, ахадгæдæр кæны тыхстаг фарстатæм цæстдард. Центры æппæт кусджытæн дæр бузныг зæгъын, регионы информацион стратегийы уагæвæрдтæ æххæст кæныны
хъуыддагмæ аккаг бавæрæн кæй хæссут, уый тыххæй, – загъта Цæгат Ирыс-
тоны разамонæг.
Артем Павленко дæр арфæ ракодта центры кусджытæн, стæй сæрмагондæй фæбæрæг кодта, информацион тыгъдады мæнг хабæрттæ парахат кæныны фæлтæрæнтæн кусæндоны специалисттæ ныхкъуырд кæй дæттынц, уый. Йæ ныхасмæ гæсгæ, центры
куысты зынгæ бынат ахсынц социологон раиртæстытæ аразыны, информацион кампанитæ æххæст кæныны, паддзахадон æмæ муниципалон службæгæнджытæн ахуырадон семинартæ аразыны мадзæлттæ дæр.
Æмбырды æрхастæуыд ахæм нымæцтæ: 5 азмæ (ома, 2020 азы сентябрæй нырмæ) Паддзахадон лæггæдты сайты «дыууæрдæм бастдзинады» порталы фæрцы центры специалисттæ райстой æмæ бакуыстой республикæйы цæрджыты 95 мин курдиа-
тæй фылдæрыл, сарæзтой 90 дзыллон социологон раиртæстæй фылдæр
цардархайды вазыгджын фарстаты фæдыл…
РЦИ-Аланийы Сæргълæууæджы уынаффæйæ центры кусджыты къордæн сыгъдæгзæрдæ куысты тыххæй лæвæрд æрцыдысты РЦИ-Аланийы Кады грамотæтæ æмæ Цæгат Ирыстоны Сæргълæууæджы арфæйы фыстæджытæ.
РЦИ-Аланийы
Сæргълæууæг
æмæ Хицауады
пресс-службæ
