Алагиры 2-æм астæуккаг скъолайы УФ-йы Слестгæнæг комитетæн цы кадетон кълас ис, уый 2025 азы бæрæггæнæнтæм гæсгæ Уæрæсейы нымад æрцыд
хуыздæрыл.
Уый тыххæй йæ телеграм-каналы ныффыста РЦИ-Аланийы Сæргълæу-уæг Сергей Меняйло.
Цæгат Ирыстоны Сæргълæууæджы хатдзæгмæ гæсгæ, уыцы æнтыстдзинад æвзонг кадетты къухы бафтыд сæ ахуыргæнджытæ æмæ ныййарджыты æххуысы, стæй УФ-йы Слестгæнæг комитеты РЦИ-Аланийы управленийы специалистты аудынады фæрцы.
«Алагираг скъоладзаутæ æвдисынц хорз ахуырадон бæрæггæнæнтæ, иуда-дзыгдæр уæлахиз кæнынц олимпиадæты, сфæлдыс-тадон æмæ спортивон ерысты, зæрдиагæй архайынц патриотон æмæ хæрзаудæн проектты дæр. Зæгъæм, ацы аз къласы ахуырдзаутæ архайдтой Мæскуыйы Кремлы дунеон хæрзаудæн акцийы», — фæбæрæг кодта Сергей Меняйло.
Республикæйы разамонæг куыд фехъусын кодта, афтæмæй Цæгат Ирыстоны ног ахуыры азы ноджыдæр ма байгом уыдзысты Уæрæсейы Слестгæнæг комитеты цалдæр профилон кадетон къласы.
Нæ уацхæссæг
