Цæгат Ирыстоны йæ куыст кæны «Фыдыбæстæйæн – службæ», зæгъгæ, патриотон акци. Ацы хъæппæрис равдыстой уæрæсейаг æхсæнад «Зонындзинæдтæ», «Фыдыбæстæ хъахъхъæнджытæ»-йы паддзахадон фонд.
Сывæллæтты фæлладуадзæн лагерь «Стъалы»-мæ æрбацыдысты сæрмагонд æфсæддон операцийы ветерантæ, æхсæнад «Зонындзинæдтæ»-йы лектортæ, проект «СВОя история»-йы уæнгтæ Рубен Днепровский, Алыбегты Раман, хæстон уацхæссæг Илаты Батрадз. Уыдон фембæлдысты рады сывæллæттимæ, дзырдтой æфсымæрдзинад, царды равзæрст фæндæгтæ æмæ фæсчъылдымæн æххуысы тыххæй.
Комкоммæ уагæй дзургæйæ, ныхас рауад хæстон фæндæгтыл, æфсымæрдзинад, хæлардзинад, кæрæдзийæн æххуыс кæнын, хæстон хæсæн, бæстæйæн кад кæныныл. Æрыгæттæн ахæм фембæлд уыд æхсызгон, лæгдзинады урок сын æрхаста бирæ æнкъарæнтæ, граждайнаг бæрнондзинад.
Сывæллæттимæ дзырдта Рубен Днепровский – гвардийы майор, Лæгдзинады дыууæ ордены – йæ кителыл, йæ Райгуырæн бæстæйæн службæ сбарæн ис фондз фæлтæримæ. Беслæны фыдбæллæхы рæстæг Рубен Днепровский амынæты бахауæг адæмы ирвæзын кодта, уыд Цæцæн æмæ Хуссар Ирыстоны хæстыты. Сæрмагонд æфсæддон операци куы райдыдта, уæд уырдæм дæр ацыд. Тохы быдыры цæфтæ райсынæй нæ тарстæ, зæгъгæ, фарстæн ахæм дзуапп ратта: «Цæфтæй нæ тарстæн, æрмæстдæр рыст æнкъардтон. Æрмæстдæр, тохы быдыры æмбал куы фæмард, уæд тарстæн, уымæн æмæ аивæн ницæмæн уал уыд», – загъта хæстон лæг.
Алыбегты Раман 2022 азы равзæрста йæ фæндаг, ссис батальон «Алани»-йы бархион, цыд херсойнаг, луганскаг æмæ донбассаг фæндæгтыл. Кæддæр уыцы зæххытæ сæрибар кодтой йæ фыды фыдæлтæ, ныр та ногæй хæцынц сабыр арвы сæраппонд. Хæстон уацхæссæг Илаты Батрадз документалон кинонывты фæрцы «Стъалы»-йы рады уæнгтæн равдыста, тохы быдыры хæстон хæс куыд æххæст кæнынц, уыдæттæ.
Цæгатирыстойнаг лæппутæ алы бон дæр æвдисынц хъæбатырдзинад, рæзгæ фæлтæры хæрзæбоны тыххæй сæ цардыл нæ ауæрдынц.
Мария Теплинская,
Цæгат Кавказы федералон зылды уæрæсейаг æхсæнад
«Зонындзинæдтæ»-йы пресс-службæ
