Мария Ясыняйы дадзинты алайнаг туг кæй уыдис, уый сбæрæг. Ацы фарстамæ се ‘ргом аздæхтой уæрæсейаг ахуыргæндтæ – уыдон дыууæ версийы иртæстой – алайнаг æмæ чехаг, æмæ æрцыдысты иу хъуыдымæ – Мария Ясыня уыдис алайнаг.
Иртасæнтæ сарæзтой, горæт Владимиры цы стæгдар ссардтой, уымæн. Генетикон анализ ын скодтой, зындгонд ын чи у, уыцы хæстæджыты мæрдты буары хуызæгтимæ абаргæйæйæ.
Уæрæсейы наукæты академийы биотехнологийы федералон информацион центры кæстæр наукон кусæг Кристина Жур куыд фехъусын кодта, афтæмæй, цы бæрæггæнæнтæ райстой, уыдон равдыстой, æхсин æнæдызæрдыг алайнаг кæй уыдис.
Иртасæн куыстæн ма ис стыр ахадындзинад Рюриковичты мыггаджы равзæрд дарддæр сбæлвырд кæнынæн – цы хуызæгтæ райстой, уыдон фæпайда уыдзысты сæ хæстæгдзинады тæгтæ базонынæн.
Нæ уацхæссæг
