Ног кадртæ
РЦИ-Аланийы Хицауады æрцыд ивддзинæдтæ. Цæгат Ирыстоны артаг, энергетикæ æмæ цæрæнуæтты-коммуналон хæдзарады министр Хъараты Тимур йæ куысты бынатæй уæгъдгонд æрцыд. Хæстæгдæр бонты Хъарайы-фырт разамынд дæтдзæн Дзæуджыхъæуы Администрацийæн.
Уæрæсейы Хъæбатыр Абайты Юри нысангонд æрцыд нæ республикæйы фæллойы æмæ социалон рæзты министрæй – вице-премьерæй. Уымæй уæлдай, Фрайты Сосланы та ногæй снысан кодтой РЦИ-Аланийы спорт æмæ физикон культурæйы министрæй, Бæззаты Вадим дарддæр æххæст кæндзæн нæ республикæйы æрдзы æвæрæнтæ æмæ экологийы министры хæстæ. Фидаргонд сты, РЦИ-Аланийы культурæйы министры хæстæ æххæстгæнæг Гуыдиаты Батрадз æмæ РЦИ-Аланийы промышленносты министры хæстæ æххæстгæнæг Отарты Аланы кандидатурæтæ.
Мæхъиты Алан уæгъдгонд æрцыд РЦИ-Аланийы хъæууон хæдзарады министры бынатæй, фæлæ йæ куыст дарддæр кæндзæн, ацы ведомствæйы разамонæджы фыццаг хæдивæгæй. Нæ республикæйы хъæууон хæдзарады министрадæн разамынд дæтдзæн Тауаситы Алан. Тауасийы-фырт 2024 азы августæй 2024 азы апрелмæ куыста РЦИ-Аланийы хъæууон хæдзарады министры хæдивæгæй. 2024 азы апрелæй 2026 азы январмæ та куыста Запорожьейы облæсты прокуратурæйы прокурор æмæ федералон закъонæвæрынады хæстæм цæстдарды хайады хистæр прокурорæй.
Бæгъиаты Алан нысангонд æрцыд РЦИ-Аланийы национ политикæ, информацион коммуникацитæ æмæ æддагон бастдзинæдты министрæй.
Указтæ бафыста РЦИ-Аланийы Сæргълæууæг Сергей Меняйло.














