Ралӕууыд октябр. Ацы мӕй хур бонтӕ кӕд арӕх уыдзӕн, уӕддӕр фӕззӕджы комулӕфт алцӕмӕй дӕр бӕрӕг уыдзӕн: бонтӕ къӕпхӕнгай цыбырӕй-цыбырдӕр ӕмӕ уазалӕй-уазалдӕр кӕндзысты.
Арӕх октябры уӕлдӕфы рӕстӕмбис температурӕ вӕййы 9-10 градусы хъарм. Ростовы гидрометцентры рагагъоммӕйы бӕрӕггӕнӕнтӕм гӕсгӕ, ацы мӕй уӕлдӕфы температурӕ уыдзӕн нормӕйы бӕрц.
Ӕхсӕвы уӕлдӕфы температурӕ ӕрхаудзӕн хъармы 5-10 градусы онг (хицӕн ӕхсӕвты — уазалы 3 градусмӕ), бонӕй та уӕлдӕфы рӕстӕмбис температурӕ уыдзӕн 11-17 градусы хъарм (хицӕн бонты схиздзӕн 20-26 градусмӕ).
Бирӕ азты бӕрӕггӕнӕнтӕм гӕсгӕ, ӕппӕтӕй уазалдӕр октябр уыд 1959 азы (уӕлдӕфы рӕстӕмбис температурӕ уыд 4 градусы хъарм), ӕппӕтӕй хъармдӕр та уыд октябр 1974 азы (13 градусы хъарм).
Октябры мӕймӕ рауары 33-66 миллиметры (ацы мӕй дӕр рауардзӕн нормӕйы бӕрц, кӕнӕ та — къаддӕр). Арӕх уыдзӕн тӕрккъӕвдатӕ, хицӕн бонты хохы уардзӕн сӕлӕф мит. Хатгай ӕхсӕвы ӕмӕ райсомӕй баддзӕн мигъ.
Арӕх октябры фыццаг ӕмбисы къуырийы дӕргъы ахӕссынц хъарм бонтӕ.
Светланӕ Сухова,
инженер-синоптик
