Æфснайæн банк æфстау æхцайы фæрæзтæ радих кодта Дзæуджыхъæуы бирæуæладзыгон хæдзæртты арæзтады дыууæ объектæн. Уыцы фæрæзтæ æрвыст æрцыдысты аразæг организацийæн.
Цæрæн хæдзæртты комплекс хуыйны » Дуэт». Сараздзысты дыууæ авдуæладзыгон хæдзары 150 бинонтæн. Æфстауы бæрц сыстад 360 милуан сомы 27 мæйы æмгъуыдмæ. Æфснайæн банк активонæй архайы Цæгат Ирыстоны арæзтадон къабазы рæзтыл: 2022 азы аразджыты проектты æхцайы хæрдзтæ сыстадысты 1,5 миллиард сомæй фылдæр.
— Цæрæн комплекс «Дуэт»-ы арæзтады организациимæ æнтыстджын æмгуыстады фæрцы мах архайæм иумæ æмæ нын ныр ацы проект фæндзæм у. Иумæйаг куысты фæрцы 600 бинонтæ ног фатертæ райстой,— загъта Æфснайæн банчы Цæгат Ирыстоны хайады сæргълæууæг Амиран Левитский.
Æфснайæн банк арæзтадон компанийы сæйраг финансон æмбал у. — Æфстæутты мадзæлттæ фадат дæттынц рæстæджы æмгъуыдмæ арæзтадон куыстытæ кæронмæ ахæццæ кæнынæн, уый та вазыгджын хъуыддаг у фатер æлхæнæгæн. Цæрæн комплексы арæзтад йæ тæмæны ис. Æмæ Æфснайæн банчы руаджы ныры онг объекты цæттæдзинад 30 проценты у, — загъта уæлдæр амынд арæзтадон компанийы генералон директор Дзиойты Таймураз.
Саутæты Тамилæ
