Республикæ Цæгат Ирыстон-Аланийы Сæргълæууæг Сергей Меняйлойæн радон фембæлд уыд, Украинæйы зæххыл сæрмагонд æфсæддон операцийы хæстæ чи æххæст кæны, уыцы службæгæнджытæ æмæ бархионты къордимæ.
Ацы хатт фембæлдмæ æрбахуыдтой бархионты къордтæ «Аланыстон» æмæ «Ныббырст.Ирыстон»-ы минæвæртты. Уыдонæн Сергей Меняйло радта паддзахадон хæрзиуджытæ. Уый фæдыл сæрмагонд Указтæ бафыста Уæрæсейы Федерацийы Президент Владимир Путин. Бæстæйы разамонæджы уынаффæйæ, сæрмагонд æфсæддон операцийы хæстæ æххæст кæнгæйæ, лæгдзинад æмæ уæлдай хъæбатырдзинад чи равдыста, уыцы ирыстойнаг бархионтæн саккаг кодтой Хъæбатырдзинады ордентæ æмæ «Хъæбатырдзинады тыххæй» майдантæ.
РЦИ-Аланийы
Сæргълæууæджы æмæ Хицауады
пресс-службæ
