Хуссар æмæ Центрон федералон зылды макрорегион hh.ru-йы пресс-службæйы разамонæг Екатеринæ Никифорова хатдзæгтæ скодта, Цæгат
Ирыстоны цæрджытæ сæ мыздæй куыд пайда кæнынц, цæй фаг сын свæййы, уымæй.
Куыд амоны, афтæмæй Цæгат Ирыстоны цæрджыты 40 проценты зæгъынц, сæ мыздæй сæйраг хъуагдзинæдтæ сæ бон сæхгæнын кæй нæу, уый. Фæцæрыны æппынкъаддæрæн хъæугæ хъуыддæгтæн мызд нæ фаг кæны – афтæ зæгъынц бафарсты архайæг 39 проценты. Æрмæстдæр цæгатирыс-тойнæгты 21 процентæн сæ мызд алцæмæндæр фаг у.
Мызд нæ фаг кæны розницæйы базарады кусджытæн (58 проценты), саукусджытæн (49 проценты), æдасдзинады къабазы кусджытæн (46 проценты), юристтæн (45 проценты), аивад æмæ дзыллон хабархæссæг фæрæзты, транспорты къабазы кусджытæн (43 проценты), æппынæдзух æхца нæ фаг кæны аразджытæн (20 проценты).
Екатеринæ Никифоровайы хатдзæгмæ гæсгæ, ног уæлæдарæс æмæ дзабыртæ сæ бон балхæнын нæу цæрджыты 78 процентæн, цæрджыты 40 процентæн сæ бон нæу спайда кæнын æхцайæ медицинæ æмæ хостæн. Мæ бон ма у иннæ хатдзæгтæ дæр æрхæссын, фæлæ уал адон дæр фаг сты ахъуыдыйæн.
