Фыдыбæстæ хъахъхъæнæджы азы кадæн, стæй культурон хæзнатæ ба-
хъахъхъæнынæн Алагиры районы мидхъуыддæгты хайады кусджытæ фæндагыл цыды æвзонг инспектортимæ иумæ Алагиры стадион «Спартак»-ы сарæзтой дзыллон-патри-
отон мадзал.
Стадионмæ æрбацæуæг адæмы ‘хсæн уыдысты амынд хайады хицауы хæдивæг, пъæлицæйы майор Гусалты Зауырбег, кæстæр инспектор-кинолог, пъæлицæйы сержант Æфсæрæгаты Чермен, Цæгат Ирыстоны сгуыхт журналисткæ Татьянæ Байбородова æмæ æндæртæ.
Раныхасгæнджытæ – районы администрацийы разамонæджы хæстæ æххæстгæнæг Гозымты Раман, цæгатирыстойнаг арæнхъахъхъæнæг управленийы Ветеранты советы сæрдар Валерий Устинов æмæ иннæтæ – се ’ргом аздæхтой рæзгæ фæлтæры патриотон хъомыладмæ.
Уæрæсейы Тæрхон æххæстгæнæг æмæ Æдасдзинады федералон службæты цæгатирыстойнаг управлениты кусджытæ службæйы хæстæ æххæст кæнынмæ арæхстдзинад равдыстой. Сæрмагондæй ахуыргонд куыйтæ æмбæхст хæцæнгарз куыд агурынц æмæ фыдгæнджыты куыд уромынц, уый адæм федтой дæсны кинологты фæрцы. Уæрæсейаг æфсад ифтонггонд цæмæй у, уыцы нырыккон хæцæнгæрзтимæ патриотон мадзалы архайджыты базонгæ кодтой. Æрбацæуæг адæмы суазæг кодтой дзидзаимæ салдатон сауфагæ касæй, хæдахуыр артистты къорд «Арæн»-ы уæнгтæ та акодтой патриотон зарджытæ. Рæзгæ фæлтæры хъомыладæн ахъазгæнæг дзыллон мадзалы æдæппæт архайдтой цыппарсæдæ адæймаджы бæрц.
Гæззаты Зæринæ,
Алагиры районы мидхъуыддæгты хайады инспектор
