Афæдзы райдайæнæй нырмæ чысыл хъуагæй 125 мин цæгатирыстойнаджы ацыдысты диспансеризаци.
Медикты амынд æркастыты фæрцы бантысы низтæ раргом кæнын æмæ сæ рагацау дзæбæх кæнын. Дохтырты ныхасмæ гæсгæ, райдайæны кæй рабæрæг кæнынц, уыцы низтæ æнтыстджынæй дзæбæх кæныны фадат вæййы.
Диспансеризацийы архайæг цæугæ комплекстæ рæстæгæй-рæстæгмæ сæмбæлынц нæ республикæйы æппæт районты (ацы хъуыддаг уæлдай ахсджиаг у зынвадат хъæуты цæрджытæн). Хистæр фæлтæры минæвæрттæй бирæтæ хъæуты кæй цæрынц, уый нымайгæйæ, карджын адæмы æнæниздзинады уавæрмæ цæст дарын æмбæлы уæлдай лæмбынæгдæр. Медиктæ диспансеризаци æххæст кæнынц лæвар. Ацы куыст цæуы национ проект «Дæргъвæтин æмæ активон цард»-мæ гæсгæ.
Республикæйы цæрæг адæм се ’нæниздзинады уавæрмæ цæст дарæнт æмæ диспансеризацийæ сæхи ма иуварс кæнæнт. Бæлвырддæр хабæрттæ базонæн ис цæрæнуаты бынатмæ гæсгæ поликлиникæйы.
«Ир-Информ»
