Алагиры районы фæндагыл цæуыны æвзонг инспектортæ зæрдиагæй архайынц паддзахадон автоинспекцийы арæзт акциты, стæй цæрæгойтыл аудынц.
Æрæджы Алагиры 5-æм скъолайы фæндагыл цæуыны æвзонг инспекторты къорд «Рухснысан»-ы уæнгтæ æмæ амынд ахуыргæнæндоны «Фыццæгты змæлд»-ы активисттæ сæ ахуыргæнджытæ Дзбойты Ноннæ æмæ Бутаты Фатимæимæ иумæ сарæзтой æнæхицау цæрæгойтæн баххуыс кæныны фæдыл хæрзаудæн акци.
Акцийы фæткмæ гæсгæ, æвзонг автоинспектортæ æмæ «Фыццæгты змæлд»-ы активисттæ æххуысхъуаг куыйтæн кæй æрæмбырд кодтой, уыцы холлаг ратдзысты æрвылбон æнæхицау цæрæгойтæн æххуысгæнæг бархионтæн.
Сывæллæттæн сæ бон социалон фарстатæ лыг кæныны хъуыддагмæ хи бавæрæн бахæссын æмæ фæкæсинæгтæн баххуыс кæныны фадат кæй ис, къорд «Рухснысан»-ы амынд фæндон уый æвдисы. Амынд акцитæ ахъаз кæнынц сывæллæттæм бæрнондзинады æнкъарæны сæвзæрдæн, стæй æхсæнады æргом æнæхицау цæрæгойты фарстамæ здахынц. Хæрзаудæн архайдæн стыр ахадындзинад кæй ис, фæндагыл цæуыны æвзонг инспекторты арæзт акци ууыл дзурæг у.
ГÆЗЗАТЫ Зæринæ,
Алагиры районы мидхъуыддæгты хайады инспектор
