РЦИ-Аланийы Сæргълæууæг Сергей Меняйло фембæлд бынæттон хиуынаффæйады оргæнты разамонджытимæ. Рæгъмæ рахастæуыд ахсджиаг фарстатæ: афæдзы куысты бæрæггæнæнтæ, бæлвырд нысанты тыххæй уынаффæтæ рахæссын, хæстæгдæр фидæнмæ хъуыддæгтæ фæнысан кæнын.
Республикæйы разамонæг бузныг загъта бынæттон хиуынаффæйады оргæнты хицæуттæн сæ архайд, сæ куысты тыххæй. Куыд фæбæрæг кодта, афтæмæй ныртæккæ бынæттон хиуынаффæйады оргæнтыл æвæрд ис стыр бæрнондзинад, сты цæрджытæн фадатджын уавæртæ саразыныл дзуапдæттæг. «Æргом æмæ комкоммæ ныхасы фæрцы адæмы цы тыхсын кæны, уыдæттæ базонæм. Бынæттон ахадындзинадимæ фарстатæ иумæйагæй лыггонд цæуынц. Бузныг уын уый тыххæй зæгъын, уæ куыстæй бирæ аразгæ у, уыимæ баст у Цæгат Ирыстоны фæрныгад», – загъта Сергей Меняйло.
Фидæны ахсджиагдæр нысантимæ Сергей Меняйло фæбæрæг кодта цæрæн бынæтты социалон инфраструктурæйы нывылдзинад, хъалонтæ æмæ æнæхъалонты æф-
тиæгтæ æмбырд кæнын, национ проекттæ æмæ паддзахадон программæты сæрæн архайд. Республикæйы Сæргълæууæджы ныхасмæ гæсгæ, бынæттон хиуынаффæйады оргæнты къухы ис ахсджиаг авналæн, ома, национ проекттæ æмæ паддзахадон программæтæ.
«Уыдон банымайæн ис финансон фадатыл, экономикон рæзт уыдоны фæрцы цæуы. Республикæйы аразæм ног скъолатæ, рæвдауæндæттæ, культурæйы хæдзæрттæ, медицинон кусæндæттæ, фæндæгтæ, æхсæнадон фæзуæттæ аивгонд цæуынц. Архайæм конкурс «Хуыздæр муниципалон практикæ»-йы, уый фæрцы муниципалон скондты рæзт бæрæг дары», – загъта РЦИ-Аланийы Сæргълæууæг.
Ацы азы куысты бæрæггæнæнтæм гæсгæ, Арфæйы фыстæджытæй хорзæхгонд æрцыдысты хъæуккаг цæрæн бынæтты разамонджытæ: Комсомольскы хъæуыхицау Аулохты Валери, Бруты хъæуыхицау Æлдатты Батрадз, Кæрдзыны хъæуыхицау Андиаты Сослан, Мичурины хъæуыхицау Калоты Эллæ, Рамоновойы хъæуыхицау Ортаты Таймураз, Притеречныйы хъæуы хицау Нинæ Радушева, Николаевскы хъæуыхицау Георгий Ткаченко, Задæлескы хъæуыхицау Хадаты Алинæ, Михайловскы хъæуыхицау Хуыбаты Алан, Бæлтайы хъæуы хайады хицау
Марине Чкареули.
РЦИ-Аланийы
Сæргълæууæг
æмæ Хицауады
пресс-службæ
