Цæгат Ирыстонмæ балцы æрбацæуæг бæстæйы Физикæ æмæ математикæйы национ центры наукон разамонæг, Уæрæсейы Наукæты академийы академик Александр Сергеев бабæрæг кодта Дзæуджыхъæуы технологион центр «Баспик».
Академикæн уыд хъуыддаджы фембæлд «Баспик»-ы разамонæг Хъулаты Сослан æмæ Цæгат Ирыстоны Хетæгкаты Къостайы номыл паддзахадон университеты ректор, экономикон наукæты доктор Огъуаты Аланимæ.
Наукон, куыстадон æмæ ахуырадон архайд иугæнæг технологион центр «Баспик» сарæзтой 1991 азы. Æхсæвы уынæн техникæйæн микроканалон
пластинæтæ бирæгæйттæй чи уадзы, «Баспик» у иунæг ахæм куыстуат. Центр йæ продукци рæстæгæй-рæстæгмæ барвиты электронон техникæуадзæг къорд егъау уæрæсейаг æмæ фæсарæйнаг куыстуатмæ, стæй æмгуыст кæны ядерон физикæ æмæ космосон иртасынадты къабазы архайæг раззаг дунеон наукон кусæндæттимæ.
Нырыккон æмвæзадыл физикон диагностикæ æххæст кæныны фадат кæй фæрцы ис, куыстуаты наукон æмæ технологион лабораторитæ ифтонггонд сты ахæм ног кусæнгарзæй (адоны ‘хсæн – электронон æмæ атомон микроскоптæ, масс-спектрометртæ, стæй вакуумон ифтонггæрзтæ).
Цæгат Ирыстоны
паддзахадон
университеты
пресс-службæ
