РЦИ-Аланийы мыхуыр æмæ дзыллон коммуникациты комитеты хъæппæрисæй лагерь «Звездочка»-йы кадджын уавæры байгом æрыгон журналисты æхсæзæм тематикон профориентацион лагерь»Медиа Кэмп». Мадзалы архайы сывæллæтты журнал «Ногдзау.
Сменæйы архайджытæн арфæйы ныхæстæ загъта РЦИ-Аланийы мыхуыр æмæ дзыллон коммуникациты комитеты сæрдары хæстæ рæстæгмæ æххæстгæнæг Эльдар Афашоков:
«Журналист — дунейы æппæты цымыдисагдæр адæймаг у. Ма тæрсут фарстатæ дæттынæй, уæ зæрдыл бадарут, афтæмæй фæзынынц æппæты цымыдисагдæр историтæ».
Ацы аз профориентацион сменæйы архайы 35 æнахъом журналисты. Се ‘хсæн ис, дыккаг кæнæ æртыккаг хатт чи архайы» журналисты сменæйы», ахæм чызджытæ æмæ лæппутæ. Хъæздыг программæйы ис, æрмæст профессионалон журналистон æмбаладмæ сын чи феххуыс кæндзæн бацæуынмæ, ахæм тематикон тренингтæ, семинартæ, хъæзтытæ, конкурстæ нæ, фæлæ ма журналистикæйы, литературæйы, культурæйы сæ авналæнтæ фæуæрæхдæр кæндзысты. Спикертæ æмæ тренингты, семинарты, мастер-классты разамонджытæ сты журналисттæ, блогертæ, дзыллон информацион фæрæзты кусджытæ.
ХЪОЙБАЙТЫ Майрæн
