Ивгъуыды цæстæй акæсгæйæ, библиотекæ у, цард сабыргай кæм цæуы, чингуытæ кæсын бирæ чи уарзы, уыдонмæ æнхъæлмæ кæм кæсынц, ахæм бынат. Æрæджы телеуынынады æвдыстой, мæскуыйаг бæлццæттæ Якутийы куыд сæмбæлдысты, куыд бабæрæг кодтой сæ нырыккондæр библиотекæтæй иу.
Афтæ зæгъæн ис, æмæ, уый уыд, нырыккондæр авналæнтæй чингуытæ уарзджытæ кæм пайда кæнынц, ахæм ран. Адæймаджы дисы алцыдæр æфтыдта, уый дын компьютерон технологитæ, иннæ ‘рдыгæй – цифрон авналæнтæ. Фæлæ нæ бон бафиппайын у, æмæ Дзæуджыхъæуы дæр нырыккон библиотекæ кæй фæзынд, уый. Кырджалийаг уынджы 29-æм хæдзары байгом ахæм чиныгдон.
Бæстыхайы бындуронæй баивтой интерьер, йæ æддаг бакаст, фæзуат цалдæр дихы акодтой. Сæ иу уыдзæн сывæллæтты, æрыгæтты, иннæ – хистæр кары кæсджыты бынат. Чингуытæй уæлдай æрбацæуæг адæм суыдзысты сæрмагонд цæсткæсæнты хицæуттæ, йæ бынат дзы ссардта пианино. Ис дзы алыхуызон зонындзинæдтæ райсыны фадæттæ, ныхас кæныны, фæллад уадзыны уавæртæ.
Библиотекæйы фонд зынгæ фæхъæздыгдæр, фæзынд дзы национ, классикон, къабæзты, сывæллæтты, нырыккон литературæ. Дзæуджыхъæуы мэр Милдзыхты Вячеслав куыд зæгъы, афтæмæй горæты алы районты хъуамæ фæзыной чиныг кæсыны, ныхас кæныны, ахуыр кæныны фадæттимæ ахæм библиотекæтæ. «Ацы микрорайоны цæрджытæ уал райстой, нæ лæвар, дарддæр дæр архайдзыстæм. Дзæуджыхъæуы алы районы дæр хъуамæ ахæм бынат фæзына», – фæбæрæг кодта Милдзыхы-фырт.
Тагъд, Дзæуджыхъæуы, Къостайы проспекты 92-æм хæдзары дæр фæзындзæн ахæм ноггонд библиотекæ. Куыстытæ конд цæуынц национ проект «Бинонтæ»-йы фæлгæты.
Дзæуджыхъæуы бынæттон хиуынаффæйады администрацийы пресс-службæ
