21 октябры Мӕскуыйы, Уырыссаг аивады музейы байгом уыдзӕн зындгонд ирон нывгӕнӕг Каджаты Вадимы куыстыты равдыст. Уый тыххӕй фехъусын кодта информацион агентад «Рес».
Каджайы-фырт у Уӕрӕсейы Нывгӕнджыты цӕдисы уӕнг, Цӕгат ӕмӕ Хуссар Ирыстоны республикӕты сгуыхт нывгӕнӕг. Цхинвалы Аивӕдты лицей каст куы фӕци, уӕд йӕ профессион ахуырад адарддӕр кодта Бетъырбухы И.Е.Репины номыл Нывгӕнынады, скульптурӕ ӕмӕ архитектурӕйы паддзахадон институты.
Равдыстӕн фадӕттӕ сарӕзта Республикӕ Хуссар Ирыстоны Минӕварад Уӕрӕсейы Федерацийы. Минӕварады пресс-службӕйы куыд радзырдтой, афтӕмӕй равдыст кусдзӕн 28 октябры онг.
Нӕ уацхӕссӕг
