Ныхас æмгуыстадыл

0
1106

Цæгат Ирыстон-мæ хъуыддаджы балцы æрбацыд Турчы цæрæг ирæтты æхсæнадон организаци «Алан»-ы минæвар Пухаты Зæлихан. Уый фембæлд нæ республикæйы ахуырад æмæ нау-кæйы министры хæстæ рæстæгмæ æххæстгæнæг Сæлбиты Зитæимæ æмæ æрныхас код-той æмгуыстады фарстатыл. Зæлиханы ныхасмæ гæсгæ, ирон æгъдæуттæ бахъахъхъæныны нысанимæ турчы цæрæг ирон фæсивæды фæнды мадæлон æвзаг хуыздæр зонын, ахуыр æй кæнын. Фæстаг рæстæг турчы цæрæг цалдæр ирон лæппуйы æмæ цæгатирыстойнаг чызджы баиу кодтой сæ цард. Турчы цæрæг ирæтты фæнды æмбæстæгты æмгуыстады дунеон программæты архайын. — Цæгат Ирыстоны уæлдæр ахуыргæнæндæттæм ахуыр кæнынмæ кæй фæнды бацæуын, уыдон сты дæс адæймаджы бæрц.

Фæсарæйнаг абитуриенттæн уæлдæр ахуыргæнæндæтты цавæр уавæртæ ис, стæй туркаг æвзаг æмæ ирон дзургæ ныхас чи зоны, уыцы фæсивæды уырыссаг æмæ ирон литературон æвзæгтыл сахуыр кæнæн ис æви нæ? — бафарста Зæлихан. Сæлбиты Зитæ радзырдта уæлдæр ахуыргæнæндæттæм ахуыр кæнынмæ бацæуыны гæнæнты, стæй уырыс-саг æвзагыл кæм ахуыр кæнынц, ахæм курсыты тыххæй. Иронау дзурæг туркаг студенттæн цавæр дунеон программæты архайыны бар ис, фембæлды рæстæг ууыл дæр ныхас цыд. Турчы цæрæг ирон сывæллæттæн бар ис, нæ республикæйы Ахуырад æмæ наукæйы министрад цы сæрдыгон этнолингвистикон лагер саразы, уырдæм цæуынæн.

— Турчы цæрæг ирон фæсивæды сæ мадæлон æвзаг æмæ культурæ хуыздæр базонын кæй фæнды, уый нын æхсызгон у. Турчы цæрæг ирæтты æмæ нæ ведомствойы æхсæн æмгуысатады æппæт фарстатæм дæр æркæсдзыстæм, — фембæлды кæрон загъта Сæлбиты Зитæ.

ОСТАВЬТЕ ОТВЕТ

Please enter your comment!
Please enter your name here