Дæсныйадмæ гæсгæ

0
956

Цæгат Ирыстоны уæлдæр ахуыргæнæндæттæ кастфæуæг адæмы 70 проценты кусын райдайынц сæ дæсныйадмæ гæсгæ.

— Ныртæккæ нæ ахуыргæнæндоны æппæт фæндзæмкурсонтæн куыст ис. Ахуыргæнджытæ бирæ скъолаты хъæуынц. Æппæтæй æнцондæрæй куыст ссарынц логопедтæ, физикон культурæ æмæ дефектологийы ахуырады ахуыргæнджытæ, стæй социалон педагогтæ, зындæр ссарæн у менеджеры æмæ психологы куыст, — зæгъы Цæгат Ирыстоны паддзахадон педагогон институты минæвар. Цæгат Ирыстоны паддзахадон медицинон академи кастфæуæг æппæт специалистты хæс у диплом райсыны фæстæ интернатурæ æмæ ординатурæйы ахуырад ацæуын. 2014-2015 ахуыры азы медакадемийы интернты нымæц уыд 330, ординатортæ та уыдысты 112 адæймаджы. Педиатрийы, терапийы, фтизиатрийы, хирургийы, урологийы, акушердзинады, онкологийы, стоматологийы, анестезиологи æмæ дерматовенерологийы дæсныйæдтæм гæсгæ академи кастфæуæг адæмы 90-100 проценты куыст ссарынц, фæлæ эпидемиологийы, стæй социалон æмæ иумæйаг гигиенæйы дæсныйæдтæм гæсгæ ахуыргæнæндон кастфæуæг адæм куыст ссарынц иннæтæй зындæр. Уымæй уæлдай республикæйы нæ фаг кæнынц педиатртæ, анестезиологтæ, реаниматологтæ æмæ онкологтæ. Цæгат Кавказы хæххонметаллургон институт кастфæуæг аразджыты, металлургты, стæй техносферон æдасдзинады æмæ куыстадон информатикæйы специалистты æнцонæй райсынц кусынмæ. Аграрон университет кастфæуæг адæмæй куыстуæттæм æппæтæй кадджындæр сты куыстады технологтæ, агрономтæ æмæ механиктæ.

ОСТАВЬТЕ ОТВЕТ

Please enter your comment!
Please enter your name here