Зынаргъ æмбæлттæ!
Стыр арфæ уын кæнын уæ профессионалон бæрæгбоны тыххæй. Сымах стут республикæйы фосдарынады къабазы ахсджиаг хай. Уымæн æмæ фосы дохтырты фæллойæн стыр ахадындзинад ис хъæууон хæдзарады рæзты æмæ Цæгат Ирыстоны экономикæ фидар кæныны дæр.
Уæ службæ, æцæгæйдæр, у тынг бæрнон æмæ ахсджиаг. Хъæууонхæдзарадон æмæ хæдзарон цæрæгойты тæссаг низтæ не ’руадзыныл æмæ фесафыныл кæй архайут, уымæй уæлдай бæрæг кæнут фосдарынады, кæсагдарынады, маргъдарынады продуктты рауагъд, æмæ уымæй, фыццаджыдæр, хъахъхъæнут адæймаджы цард æмæ æнæниздзинад.
Уæлдай арфæйы аккаг сты, абон сæ куысты стыр арæхстдзинад чи æвдисы, бæрнондзинад чи æнкъары æмæ йæ цæсгомджын фæллойæ ныртæккæ ветеринарон службæйы кусын чи райдыдта, уыдонæн хорз дæнцæг чи у, уыцы ветерантæ.
Ацы бæрæгбоны, зынаргъ ветеринартæ, æппæтæн дæр мæ зæрдæ зæгъы фидар æнæниздзинад, бинонты фæрныгад æмæ æнтыстдзинæдтæ уæ куысты, цæмæй нæ республикæйы экономикæ тыхджындæр кæна, йæ цæрджыты амонд та бирæ уа.
Республикæ Цæгат Ирыстон-Аланийы Сæргълæууæджы хæстæ рæстæгмæ æххæстгæнæг Битарты Вячеслав
