Знон РЦИ-Аланийы Сæргълæууæг БИТАРТЫ Вячеслав тел арвыста кампаниты къорд «Евродон»ы генералон директор УАНЕТЫ Вадиммæ æмæ йын зæрдæбын арфæ ракодта йæ 55 азы юбилейы тыххæй.
«Ды дæ разамынддæттæг курдиат кæмæ ис, химæ бæрнондзинад райсынхъом чи у, йæ размæвæрд нысантæ кæддæриддæр чи сæххæст кæны, паддзахады чи хъæуы, уыцы зындгонд уæрæсейаг амалхъомтæй», — загъд ис телеграммæйы. Республикæйы Сæргълæууæг куыд фæбæрæг кодта, афтæмæй юбиляры бирæвæрсыг курдиат, хъуыддаджы æмæ адæймагдзинады æууæлтæ рæзгæ фæлтæртæн сты аккаг дæнцæг. Йæ райгуырæн республикæйæ дард кусгæйæ дæр, Уанеты Вадим йемæ бастдзинад никуы аскъуыдта. Йæ профессионалон æнтыстдзтинæдтæ æмæ йын йæ уæлахизтæ нымайгæйæ, Битарты Вячеслав фехъусын кодта, ирон амалхъомæн «Ирыстоны Намысæн» майдан раттыны тыххæй Указ кæй бафыста, уый.
РЦИ-Аланийы Сæргълæууæджы æмæ РЦИ-Аланийы Хицауады пресс-службæ
