Андрей Первозванныйы фонды хъæппæрисæй арæзт цæуы æппæтуæрæсеон конкурс «Бинонтæ æмæ Уæрæсейы фидæн-2018».
Конкурсы оргкомитеты куыд фехъусын кодтой, афтæмæй ацы аз журналистты сфæлдыстадон ерысы архайджытæ тох кæндзысты алы номинациты 37 премийыл.
Куыд иннæ азты, афтæ ныр дæр конкурсмæ æрвыст æрмæджыты сæйрагдæр темæтæ хъуамæ уой бинонты цард, хистæртæ æмæ кæстæрты ахастдзинæдтæ, фыдæлтыккон хæзнатæ æмæ традицитыл иузæрдиондзинад æмæ афтæ дарддæр. Уыимæ, конкурсмæ бадæттинаг сфæлдыстадон куыстытæ дзыллон информацийы фæрæзты мыхуыргонд хъуамæ æрцæуой (кæнæ та дзыллон информацийы электрон фæрæзты эфиры хъуамæ радæттой) 2017 азы 15 июлæй 2018 азы 15 июны онг.
Конкурсы архайыны фæдыл курдиæттæ оргкомитетмæ бадæттæн ис 2018 азы 15 июны онг. Бæлвырддæр информаци бакæсæн ис Андрей Первозванныйы фонды официалон сайты (www.fap.ru).
