Цæгат Ирыстоны Адæмæн куыстдæттæг комитеты пресс-службæ куыд фехъусын кодта, афтæмæй сæрды 1,5 мин æнахъом сывæллонæн куыст раттыны хъуыддагæн республикæйы разамынд радих кодта 2 милуан сомы бæрц æхца. Уалдзæджы кæрон амынд ведомствойы оргæнтæм чи бахатыд, 14-17-аздзыд уыцы æнахъомтæй ныридæгæн 906 сывæллонæн радтой куыст. Сæрдыгон каникулты рæстæг куыст раттынмæ хъавынц ноджыдæр ма 504 æнахъомæн. Территоритæ æфснайыны куыст чи æххæст кæндзæн, уыцы сывæллæттæн мæймæ фиддзысты фæйнæ 1275 сомы бæрц мызд.
