Июль (сусæны мæй) у сæрды тæккæ тæвддæр мæй. 22 июнæй фæстæмæ хур фæстæмæ рахæты, йæ фæндаг фæцыбырдæр вæййы, фæлæ уый хыгъд фæтæвддæр вæййы.
Уæрæсейы Гидрометцентры бæрæггæнæнтæм гæсгæ, Цæгат Ирыстоны зæххыл уæлдæфы рæстæмбис температурæ июлы уыдзæн, бирæ азты-иу куыд уыдис, уымæй 1,6 градусы уæлдæр — 20-22 градусы хъарм, быдираг районты 23-25 градусы хъарм. Æхсæвыгон-иу уæлдæфы температурæ фæкъаддæр уыдзæн 17-22 градусы хъарм, боныгон-иу схиздзæн 24-30 градусмæ, хицæн бонты — 35-38 градусы тæвд.
Бирæ азты бæрæггæнæнтæм гæсгæ тæккæ уазалдæр июль уыд 1985 азы — 17 градусы хъарм. Иууыл хъармдæр июль уыд 2000 азы — 24 градусы хъарм.
Мæйы дæргъы уарынтæ уыдзæн нормæйы 90 проценты, республикæйы фылдæр зæххыл рауардзæн 160-110 миллиметры, быдираг районты — 40-45 миллиметры. Рæстæггай уыдзæн тæрккъæвдатæ, хицæн бонты уардзæн их, кæндзæн тыхдымгæ.
Г. ПИКАЛЮК, инженер-синоптик
